Original price was: ₹350.00.₹330.00Current price is: ₹330.00.
ʼಕುಲುಮೆʼ ಯ ಓದಿನಲ್ಲಿ ಬಡತನ, ಶ್ರಮಗಳ ಹೊರತಾಗಿಯೂ ರಹಮತ್ ತರೀಕೆರೆ ಭಾಗ್ಯಶಾಲಿ ಎಂದನ್ನಿಸುತ್ತದೆ. ತಿದಿಯೊತ್ತಿದರೂ ಝಳ ತಾಕಿದ್ದು ಕಡಿಮೆ. ತಮಗೆ ದೊರೆತ ಅವಕಾಶಗಳನ್ನು ಸಮರ್ಥವಾಗಿ ಬಳಸಿಕೊಂಡರು. ಪದವಿ, ಸ್ನಾತಕೋತ್ತರ ಪರೀಕ್ಷೆಗಳಲ್ಲಿ ಪದಕಗಳನ್ನು ಪಡೆದರು; ಕನ್ನಡ ವಿಶ್ವವಿದ್ಯಾಲಯದಲ್ಲಿ ದೊರೆತ ಅವಕಾಶವನ್ನು ಉಪಯೋಗಿಸಿ ಕ್ಷೇತ್ರಕಾರ್ಯ, ಅಮೂಲ್ಯ ಸಂಶೋಧನೆಗಳನ್ನು ಮಾಡಿದರು; ಅಪರೂಪದ ಕೃತಿಗಳನ್ನು ಬರೆದರು. ಅವರೇ ಹೇಳುವ ಹೆಕ್ಕುವ, ಸೂಕ್ಷ್ಮವಾಗಿ ಅವಲೋಕಿಸುವ ಗುಣಗಳು ಆತ್ಮಕತೆಯಲ್ಲೂ ಇದೆ. ಮೀನಿನ ಪ್ರಸಂಗ, ರಕ್ತ ಪರೀಕ್ಷೆ, ಹೇನು ಬಾಚುವುದು ಇಂತಹ ಸ್ವಾರಸ್ಯಕರ ಪ್ರಸಂಗಗಳೂ, ದುರಂತದ ಘಟನೆಗಳೂ ಹಲವಾರಿವೆ. ʼಕುಲುಮೆʼ ಅವರೊಬ್ಬರದೇ ಕತೆಯಾಗದೆ, ಹಲವು ವ್ಯಕ್ತಿಗಳ, ದಿನಮಾನದ ಸಂಗ್ರಹವಾಗಿದೆ.
ʼಕುಲುಮೆʼ ಕಾಲಗತಿಯನ್ನು ಅನುಸರಿಸಿಲ್ಲ. ಸಂದರ್ಭಕ್ಕೆ ಅನುಸಾರವಾಗಿ ಪ್ರತ್ಯೇಕ ಅಧ್ಯಾಯಗಳಲ್ಲಿ ನೆನಪುಗಳನ್ನು ಜೋಡಿಸಲಾಗಿದೆ. ರಹಮತ್ ತರೀಕೆರೆಯವರು ಒಳ್ಳೆಯ ಪ್ರಬಂಧಕಾರರೂ ಆಗಿರುವುದರಿಂದ ಬಾಳ ಚಿತ್ರಗಳು ಪ್ರಬಂಧದ ಮಾದರಿಯಲ್ಲಿವೆ. ಪತ್ರಿಕೆಯೊಂದರಲ್ಲಿ ಪ್ರಕಟವಾಗುತಿದ್ದ ಕಾರಣಕ್ಕೋ ಏನೋ ರಮ್ಯವಾಗಿ, ರಂಜಕವಾಗಿ ಬರೆದಂತಿದೆ. ನೋವಿನ ಘಟನೆಗಳು ನಲಿವಿಗೆ ಸಮೀಪ;ಜಗಳದಲ್ಲಿ ವಿನೋದ. ಅಕ್ಕ- ತಂಗಿಯರ ಕಲಹ, ಗಂಡ-ಹೆಂಡತಿಯ ಕೋಳಿ ಜಗಳಗಳಲ್ಲಿ ಉತ್ಪ್ರೇಕ್ಷೆಯಿದೆ. ತಮ್ಮನ ಮೇಲಿನ ಒಲವಿನಲ್ಲೂ ಉದ್ದೇಶಿತ ಹಾಸ್ಯ ಎದ್ದು ಕಾಣುತ್ತದೆ.
| book-author |
|---|
Monday – Friday: 9:00-20:00
Saturday: 11:00 – 15:00
Reviews
There are no reviews yet.